Sebastiano Morello/La Goma

Da Wikisource.
Jump to navigation Jump to search

Artorn


La Goma[modifiché]

Quand che scrivoma a piuma o co ’l matite,
për atension ch’i fasso ’d boro i foma
në zéro ’d meno e ’l some a ven-o cite,
opura Roma a ven scambià për toma.

Ma apen-a vist j’eror o ’l fote scrite,
na cita fërtadin-a con la goma,
apress le còse giuste a son riscrite
e ’d lò sbalià bin prèst is dësmentioma.

Però se combinoma ’d tavanade,
dle còse gaje e ’dcò quàich marminela,
opur adiritura ’d balossade,
a j’é pa gnun-e gome ch’a-j cancela!

As pòrto ’ndrinta al cheur etèrnament
e, minca tant, an torno për la ment.