Salve Valtingòjer/Mè frisinin d'amor
Mè frisinin d'amor
[modifiché]A mia anvodin-a Daniela
La nòna a conta e ti, mia birichin-a,
t’ëscote ‘d fàule, ch’at fan tant sugné.
“La faja, nòna, neh ch’a l’é turchin-a?
e che ij gnèro gram a la fan pioré?”
“Eh, ma ti ‘t ses brava e a ti at veul bin.”
“E ‘l luv, nòna, ël luv chi a veul mangé?”
“Ti..... ma ‘l cassador a lo fà scapé.”
“L’é ‘l nòno ‘l cassador?” “Si mé ratin.”
An fàuda a nòna, ‘nt ij sò brass cocià
nì luv nì masche at fan pì pàu; peui là,
ch’as fà ‘n sugnèt, a-i é cé, grand cassador.
Deurm giòja, seugna, mè frisinin d’amor.