Salve Valtingòjer/Le toe man sante

Artorn

---

Le toe man sante

(Preghiera për me anvodin Alex)

Le Toe man Sante pòrzje, o Madonin-a
a mè anvodin che a l’ha damanca ‘d Ti.
Come na brava Mama ch’andovin-a
quand che sò cit a veul prové a marcé

disje, con un soris, che a s’ancamin-a;
fà ‘l miracol ch’a peussa aussesse an pé.
Con Tò sguard vlutà ‘d giovo levantin-a
compagn-lo ant ij prim sò pass vers l’avnì.

Dnans a la gròta ‘d Toa aparission
ùmil It ciam ëdcò: “Romp sta caden-a.
Dëslìi-je brass e man gropà an soe fonsion.

Smon-je ‘s cadò, ch’la vita a-j sia seren-a”.
Mama Nòstra It prego con devossion:
gavje a ‘s nòno ‘l sagrin, smòrtje sta pen-a!