Salve Valtingòjer/Dë 'dnans a lë spetàcol d'un tramont
Dë 'dnans a lë spetàcol d'un tramont[modifiché]
Dë ‘dnans a lë spetàcol d’un tramont,
o Dé, im n’ancòrzo d’esse press che gnente!
Na vos ch’a crija ‘d pàu giù ‘nt ël përfond
contut ch’a l’é pa bon-a ‘d fesse sente.
Ël ross foà dël cel a më sbaluca,
l’ëspìrit mé as fonga ant l’Univers;
i nio ant l’inmens veuid che tut m’anvlupa,
im vard d’antorn e im vëddo bele spers.
Mé quànd ch’j’era creà ‘nt ël sen ëd mia mama
e mi im pasiava mach scotand soa vos,
pàsia mé cheur, Nosgnor, ch’afanà at ciama:
an costa sombra neuit most-me Toa lus.
+ + +
Finì l’anciarm. Ël cel l’é dëstissasse.
Dossman as cogia ‘l sol daré dij mont:
m’unisso al Bin che dal creà l’é alvasse
dë ‘dnans a lë spetàcol d’un tramont!
(Dal pont vej ‘d San Mò)