Rino Serra/Tor Juve

Da Wikisource.
Jump to navigation Jump to search

Artorn


Tor Juve[modifiché]

E da che mond l’é mond
Ël rich a l’ha rason
L’ha sempe tòrt anvece
Chi l’é ‘n povracion!

Ma përchè mai ël mond
Im ciam a deuv cambié?
Ël Tòr deuv sempe perde
La Juve deuv vagné.

Da cand mi j’ero cit
Tifos dël grand Turin
Për mach doi o tre ani
I l’hai pro godù da bin;

Peui j’é spontà Superga
Intrane drin al cheur
E da col di ‘n avanti
Mancane pì ij maleur.

La gheuba pin-a ‘d sòld
Nujautri sensa ‘n pil
E coma it peuli fé
Për cambié sto dëstin vil?

E da che mond l’é mond
Ël rich a l’ha rason
L’ha sempe tòrt anvece
Chi l’é ‘n povracion!

Për ani i soma disse
Sens’àutr a cambierà
Ma la furtun-a vaca
La gheuba l’ha sposà.

Se noi i pijoma ‘l pal
La bala a intra pa
Ma intrerà ‘d sicur
Sa lo pijo coj gheub là.

Parej a l’é la vita
Che ‘dcò ‘nt ël gieugh
A noi an martela e an pica
E a fà pont d’òr ai gheub!

Resta la speransa
Dla vita ch’a deuv vnì
Ij gheub a duvran seufre
E noi tuti a giojì!

E da che mond l’é mond
Ël rich a l’ha rason
L’ha sempe tòrt anvece
Chi l’é ‘n povracion.