Rino Serra/Saba 'd Neuit

Artorn

---

Saba 'd neuit

Ël bal, lë sbal,
L’estasi, l’exstasi
Ël crak peui ‘l crach.
Aùsse siren-e
Ch’a foro la neuit,
Vite novele
Përdùe malament, e le mare
Ant l’angossa ch’a speto,
Peui l’obada ch’a pòrta
la neuva pì dura.

Ël bal, lë sbal,
L’estasi, l’exstasi
Ël crak peui ‘l crach.
N’anvlupa lusenta
Ëd lamiere crasà
Arbomb ëd motor
Për sempe blocà,
Grovij ëd carn
E metal...
D’asfalt mës-cià a sangh.

Ël bal, lë sbal,
L’estasi l’exstasi,
Ël crak peui ‘l crach;

Saba ‘d neuit.