Rino Serra/Le fior dël mal/139
XIV. EPITAFI
[modifiché]VERS PËR ËL RITRAT ËD M. ONORÉ DAUMIER
L'òmo dont it eufr l'imagi
E dont l'art, sutila tra tui,
An mostra a rije 'd noi,
Col-lì, letor a l'é savi.
A l'é 'n satirich, në schërgneur;
Ma l'energìa dont pitura
Ël mal e soa coalera,
A preuva la blëssa 'd sò cheur.
Sò rij l'é pa la smorfiassa
Ëd Melmòt o 'd Mefist
Sota 'l flambò d'Alect
Ch'a-j brusa, ma ch'an giassa.
Sò rije, aidé! Dla gòj as sà,
Dolorosa caricadura
A l'é; ël sò, franch e largh ancora,
Coma 'n segn ëd soa bontà!