Rino Serra/Le fior dël mal/044

Da Wikisource.
Jump to navigation Jump to search

XLIV. Opòst[modifiché]

Àngel pien d'alegrìa, it conòssi 'l magon,
L'onta, ij rimòrs, ij sangiut, la neuja 'ncor,
Ëd cole orende neuit e ij vagh teror
Ch'a craso 'l cheur com un papé ormai storcion?
Àngel pien d'alegrìa, it conòssi 'l magon?

Àngel pien ëd bontà, it conòssi ti l'odié,
Ij pugn ëstrèit ant l'ombra e le lerme dla fel,
Cand la vendëtta a bat ël sò infernal apel,
E dle nòste facoltà 'l capitan sà fé?
Àngel pien ëd bontà, it conòssi ti l'odié?

Àngel pien ëd salute, it conòsse ti le frev,
Che longh a le grand muraje dl'ospidal infam,
Coma dj'esilià, as na van con pé baravantan,
Sercand ël sol ràir e bogiand ij làver grev?
Àngel pien ëd salute, it conòsse ti le frev?

Àngel pien ëd blëssa, it conòsse ti le rupie
E la paura dë mnì vej e l'odios tormenton
Ëd lese 'l segret oror ëd la devossion
Drinta euj che për tant ij nòst l'han podù bèivie?
Àngel pien ëd blëssa, it conòsse ti le rupie?

Àngel pien ëd boneur, ëd gòj e dë s-ciandor,
David murent la salute a l'avrìa ciamà
A le emanassion ëd tò còrp ancantà;
Ma 'd ti implor, àngel, mach toe orassion or,
Àngel pien ëd boneur, ëd gòj e dë s-ciandor!