Rino Serra/Le fior dël mal/013

Da Wikisource.
Jump to navigation Jump to search

XIII. SÌNGHER AN VIAGI[modifiché]

La tribù profetica dai bej lumin ardent
Jer l'é butasse 'n marcia, portand ij sò cit
An sla schin-a, o consegnand ai sò fier aptit
Ël tesòr da sempe pront ëd soe pupe pendent.

J'òmo a van a pé sota j'arme lusente
Ëd fianch ai chèr andova ij sò a stan angrignà,
Scrutand ël cel con euj pesant e anfossà
Për ël nèch regret ëd le chimere assente.

Ël gril dal fond ëd sò përtus sabios antant,
A-j varda mentre a passo ardobiand sò cant;
Cibele ch'a-j veul bin, a chërs soe vërdure,

A fà colé la ròcia e fiorì 'l desert,
Dëdnans a sti viagiator, për ij quai l'é overt
L'imper famijar ëd le tënëbre future.