Rino Serra/Le fior dël mal/002

Da Wikisource.
Jump to navigation Jump to search

L'albatro[modifiché]

Sovens për amusesse, j'òmo dl'echipagi
A ciapo j'albatri, coj grandios osej dij mar,
Ch'a-i van d'apress, indolent compagn ëd viagi,
Al navili ch'a va sghijand an sj'abiss amèr.

Apen-a ch'a son piassasse lì 'n sle plance
Costi grand re dl'asur, vërgognos e bon a nen,
A lasso pietosament le gròsse ale bianche
Come rem trainà a fil d'eva, ch'a servo a nen.

A l'é gòf e patamòla l'alà viagiator!
L'é còmich e spòrch adess, chiel così bel prima!
Un ël bèch con la pipa a-j gatija con fërvor,
L'àutr, sopiand, ël malavi ch'a volava a mima!

L'é 'l poeta al prinsi dle nivole confrontà
Che 'nt ël mes ëd la tempesta as na rij ëd l'arcé;
Ma 'n tèra antrames al rabel esilià
Soe ale da gigant j'ampedisso 'd marcé!