Rino Serra/Arbeuj ëd Monfrà

Arbeuj ëd Monfrà

Arbeuj ëd Monfrà
Ant l’agost afoà...

Taragne tëgge
Ëd nèire rape,
Ël ramà a lus
Sle larghe feuje
Che ‘l sol roventa
Dij sòi ragg dorà...

Arbeuj ëd Monfrà
Ant l’agost afoà...

Colin-e dosse
Rijente al sol,
Uve pastose
E cane al vent
Ch’a ondegio
A ràire mace.

Arbeuj ëd Monfrà
Ant l’agost afoà...

Doa paròle al vent
A meuiro an àut
An cò ‘d colin-a;
Là ‘n sël fond Canej...
Doa lë spirit tò,
Cesare, a vija!

Arbeuj ëd Monfrà
Ant l’agost afoà...