Rico Gulin/Ultim Vàlser

Da Wikisource.
Jump to navigation Jump to search

Artorn


Ultim vàlser[modifiché]

Vorìa balé con ti na terna 'd vàlser
ma 'd coj nostran
ch'a l'han përfum ëd fengh
e vos ëd clarinèt
e 'n tendon verd
a ponta sël parchèt
e ij musicant
ch'a son-o tut d'un fià
e mi – gira, dësgira –
rijent e mars-bagnà
rivé fin-a la mira
d'esse talment ëstrach
da gnanca pi antajéme
che l'ùltima tersin-a dl’ùltim vàlser
a s'é già dëstissà.