Rico Gulin/Pensé për Natal
Pensé për Natal
[modifiché]A toca ess grand coma ’d gigant
o coma ’d sant,
o essi sembi e cit
e genit
coma ’d masnà,
për fé dë slòire
da le lame dle spa
e, da le lanse,
ij daj e le mëssòire;
për canté, con la vos
dij Cherubin,
mentre Giusù Bambin
a ven a pijé soa Cros...:
a toca essi grand...
... Toca già essi grand
coma ’n gigant
o ’n sant
o na maraja,
...mach për capì
ch’i soma ’d mesa taja.