Bondì, mia bela Turin![modifiché]

Bondì mia bela Turin
Bondì a tuta toa gent
Sta sèira al tò Valentin
Mi tòrno, mi i son tant content
(i) vëddrai con sòj mostardin
le tòte ch'a bruso d'amor
mi i sentirai ciosioné da davzin:
"mi t'veuj tant bin... mi t'veuj tant bin"
Mentre mè cheur am dirà pian pianin
Costa a l'é toa Turin

Un basin, un basotin ch'a brusa
Con ël sol o con la lun-a
con la pieuva o con ël vent
l'oma tùit ël cheur content (2 vire)

L'é neuit mia bela Turin
Ma ti t'ses tut në splendor
s'i penso a coj agn ëd sagrin
mi i pioro ëd giòja e 'd dolor
Lontan vivìa da ti
O mama, che strèita al mè cheur
t'ëm dise ancora: "t'ses sempre 'n citin,
mi t'veuj tant bin, mi t'veuj tant bin."
E sto citin t'sarà sempre davzin
sì an toa bela Turin.

Un basin, un basotin ch'a brusa
Con ël sol o con la lun-a
con la pieuva o con ël vent
l'oma tùit ël cheur content (2 vire)