Rico Gulin/A veul nen dì

Da Wikisource.
Jump to navigation Jump to search

Artorn


A veul nen dì[modifiché]

A veul nen dì
l’età:
quand che, vardand ël cel,
savras capì
com’a sarà doman,
saras già grand.
Ma quand,
vardand la tèra,
capiras
l’ora dla sëmna
e l’età dij cavaj,
vardandje ij dent,
saras chërsù completament
e saras òm fàit e finì.
E a sarà pì nen temp, për ti,
dë ’ndé për lì
a perdi temp për piasse
e baracon
e ’ns ij baj a parchèt...
Podras signé contrat,
col di,
e giughete la mesa bota a scopa
parland
sensa che gnun a disa
«A l’é mach na masnà».
E sërnite na fomna
e portetla ’nt ël let
sensa ch’a rija
a fé l’amor da grand.
A veul nen dì
l’età.

Da «Pare e Fieuj» - 1983-1985, vint poesìe për ij vin’ani dij Mè Doj.