Pinuccia Gamba/Portent

Artorn

---

Portent

I l’hai fongà le man
ant l’eva dël cel
për avziné ai làver
n’ambòsta dë s-ciuma dë stèile

ant la gòja dle man,
j-é l’arbate d’un ësplendior satì...
antratant un parfum sutil
a scriv ant l’aria mè nòm

sta lus, l’é intrà da j’euj
e a l’ha robame ’l cheur...
con ël parfum l’ha baratà mia carn!
Ma se sto portent l’ha pijame ’l còrp,
an cambi, l’ha ’rgalame vita neuva.