Pinuccia Gamba/Nòta dl'etern

Artorn

---

Nòta dl'etern

Na mùsica anfinìa as leva
da n’anchërna dël cel e a ’rson-a
për ij quatr canton ëd la tèra
chi an confida
le paròle stërmà
guernà ’nt ël creus ëd l’Etern?
Un pianze sùtil
d’un Bambin pen-a nà
l’é vos ch’a anciarma l’ànima
e a la slèiva ’nt na stissa d’Amor.
A canto ij Cej
e la Tèra l’é l’arson ëd na Gòj
che apen-a a në sfiora
e già ’l cheur a trambla
an sercand soa nota pì bela.