Pinuccia Gamba/Mùsica infinìa

Da Wikisource.
Jump to navigation Jump to search

Artorn


Mùsica infinìa[modifiché]

Na mùsica infinìa
a s’aussa dai confin dël temp...

l’é n’arson ëd dosseur-malinconìa
ch’a s-ciapa ’l creus ëd l’orisont,
tant che ’l cel, tut, a brusa
ant n’armonìa ’d color.

L’é passà ’nt ël feu sàcher
costa sèira ancantà;
soe ven-e a canto e a pioro
e a verso ’nt mie ven-e
stisse ’d na mùsica infinìa.