Pietro Aimar/Perchè ancora sugné

Da Wikisource.

Artorn


Perchè ancora sugné[modifiché]

Còsa a l’é ’n seugn,
se at lassa,
dòp,
la boca amera,
se dòp
t’arpòsa nen ël cheur,
se a t’empiss le man
coma na pugnà d’eva,
se a t’arneuva
n’àutr dolor?
Përchè speté tant
che a passa ’l temp,
che a riva prest col moment
... e peui,
setesse sconsolà,
con le man veuide
antorn a la testa bin s-ciassà
e ’l magon
ch’a pica andrinta
e ’t gava fin-a ’l fià?
Tanti seugn
a son andasne,
ansema ai di a son tramontà,
ma mè cheur a seugna ancora,
a veul pa savèjne ’d chërse:
... a basto nen doi cavèj gris
o la pel un pò rupìa,
për fé vnì grand n’òm
che con ij seugn
as fà companìa.


Ters classificà a pari mérit al Concors
«Renato Canini» ëd Coni dël 2019