Pierin Rossi/A la fin dla stra

Artorn

---

A la fin dla stra

Ël temp a cor ant le fërvaje dij dì.
Nòstra vita a së sgrun-a pòch a pòch,
tuti, butoma ansema tanti tòch,
'ncavaland ij piasì co' ij dëspiasì.

Soens a-i é pì 'l temp ch'as marcia ansima ij ròch
che col 'd podèj arpijesse tansipòch
con na stra seulìa ch' fasa nen patì.

Peui, quand un a riva a la fin dla stra,
quand un as ciama: I l'hai portame bin?
Guardandse bin andrinta, an umiltà,

a dev podèj risponde an onestà:
I l'hai sercà. I l'hai chërdù 'd fé bin.
Sensa rigret né gena... i torno a Ca.