Oreste Porello/Amor, Fum e vin
Amor, fum e vin[modifiché]
Bel arcòrd, parpajon dle neuit d'istà.
Vin e fum a sbòrgno l'anvìa d'amor,
na bota e na pipà
pasio la ment e slontan-o 'l dolor
- dle parpèile la pior - dl'òm sagrinà.
Brasa ch'a fora la neuit e ch'a schissa
l'euj a le fior d'antan: son le pi dosse!
Bota ch'a stissa piasì con regret:
lerme pì rosse!
Coma na stèila la pipa as dëstissa.
Còsa ch'am resta? L'arcòrd ëd la bin,
ël càud ëd la pipa e 'l gust dël bicer:
l'é mes veuid o mes pjin?
Chi ch'am rëspond? Son j'amis pì sincer:
varda pa s'a l'é mes! bèiv ël vin!