Michele Sento/Pòver pan

Da Wikisource.
Jump to navigation Jump to search

Artorn


French bread DSC09293.jpg

Pòver pan[modifiché]

Campà për tèra
da 'n fiolòt distrat

Ciapà a càuss
da 'n balòss
Pistà da le roe
dle màchine
ch'a passo 'n pressa

Lontan-e
dolorose e vere
a torno a la memòria
le paròle 'd mia mama
"Trata bin ël pan!
'L pan a l'è vita!
Se 't dëspresie 'l pan
It dëspresie la vita
e gnente 'd bon it l'avras
dal doman…"