Michele Sento/L'Alpe

L'Alpe

Na companìa pì bèla
podio nen treuvèla

Na banda pì dròla
ëd gént pì farinèla
podio nen sugnèla

An mes a-i valon
pasoma contént
cantand le canson
dla nostra gént

Le piòle pì veje?
Pasoma a treuveje!

A Balme o Cantoira?
Merénda sinòira!

A-i è la torménta?
Giù 'd fëtte 'd polénta!

'L Gran Paradis
pér ij pì barbis
l'anèl del Sérvin
pér coj pì da bin…

An mes a-i giassé,
davzin a na bialèra
la nòstra bandièra
I peule treuvé

Fé nen ëd comènt
aosé nen la front
tenilo da mènt
noi soma 'l Piemont!