Michel dij Bonavé/Përfum ëd Natal

Da Wikisource.

Artòrn a la tàula


Përfum ëd Natal[modifiché]

L’anvìa a serca përfum neuv da nasté
antant che ’l mond riond a seguita a giré,
nuanse còtie coma cole dle soe fior
o vapor che dai pèilo as fan bon odor.
Ant l’aria ch’a seugna pcite valòsche
a s’anonsia l’ariv ëd la seur bianca;
sospir ëd gel pòrto al nas stisse a nufié
mentre le ciòche a taco da lògn a soné.
A vòlo ij përfum dël sùcher brusà
con col dij bëscheuit a pronté la vijà,
sënisia càuda ’nt ël cheur dij brandé
con le stèile lassù stërmà a sugné.

Ansupì l’é ’l santor ëd la neuva festa
che ’dcò st’ann a riva pì che lesta
coma ’l përfum ëd pleuja ’d mandarin
rustìa sël fer dël potagé, sèmper fin.
Odor dij siri ’nt la soagnà Neuit Santa
e l’incens ëd mëssa granda da sol canta,
bzògn ëstërmà ’d nufié nuanse ’d pas
ch’a së spantia ansima a lòn ch’an pias.
Përfum ëd Natal për chi sà apressié
ij sens ëd bon e bin ch’as pòrta daré,
benedission përfumanta ch’an toca da davsin
con ël soris pur ëd col Sant Bambin.

ai quatòrdes dë dzèmber 2018
Michel dij Bonavé
(dij barbisin ëd Gambabòsch)


PROFUMO DI NATALE - Il desiderio cerca profumi nuovi da annusare / mentre che il mondo tondo continua a girare, / aromi morbidi come quelli dei suoi fiori / o vapori che dalla cucina si fanno buoni odori. // Nell’aria che sogna piccoli fiocchi di neve / si annuncia l’arrivo della sorella bianca; / sospiri di gelo portano al naso gocce da annusare / mentre le campane cominciano da lontano a suonare. // Volano i profumi dello zucchero caramellato / con quello delle castagne a preparare la veglia, / cenere calda nel cuore degli alari / con le stelle nascoste lassù a sognare. // Assopito è il sentore della nuova festa / che anche quest’anno giunge più che veloce / come il profumo della buccia di mandarino / arrostita sul ferro della stufa, sempre più fine. // Odore dei ceri nella squisita Notte Santa / e l’incenso di messa grande da solo canta, // bisogno celato d’annusare aromi di pace / che si spande sopra a quanto ci piace. // Profumo di Natale per chi sa apprezzare / le sensazioni di buono e di bene che si porta appresso, / benedizione profumante che ci tocca da vicino / con il sorriso puro di quel Santo Bambino.