Marita Bellino/Quand a veul pieuve

Da Wikisource.
Jump to navigation Jump to search

Artorn


Quand a veul pieuve[modifiché]


Ij tò euj a cambiavo color
quand a cambiava 'l temp.
J’ero celest
s’it j’ere 'd bonimor
bleu scur s’it anrabiave.
E verd
quand as butava a pieuve.

E cò adess
ij to euj son jë specc
dël temp
e dla toa vita.

S’it fusse sì
podrìa speceme andrinta,
ma pi che tut
i sarìa pi contenta
s’i podèissa ancora savèj,
beicand ant ij tò euj,
…quand ch’a veul pieuve.