Mario Paris/Peui 't ses rivaje ti

Da Wikisource.

Artorn a la Tàula


Peui 't ses rivaje ti[modifiché]

...Peui 't ses tivaje ti; ma fin-a 'ntlora
a l'òm a l'avìo dije che al nemis
bzògna sgnaché la testa
e felo a frise
magare an ciamand
l'agiut ëd Dio
L'era scrit ant la Bibia!

...Peui 't ses tivaje ti; ma fin-a antlora
ël vendichesse
l'era còsa normal: sì, "euj për euj
e dent për dent".
L'era scrit ant la Bibia!

...Peui 't ses tivaje ti; it ses nà 'nt na stala.
it l'has fàit - (fin-a a trant'ani) - ël minusié,
vivend - dì dòp dì - tra toa gent
(la pòvra gent!)
come chiunque 'd noi
nen come 'n Dio.

...Peui 't ses tivaje ti; e trò mëssage
gnun òm l'avrìa gnanca imaginalo...;
àutr che predichelo
për le contrà dël mond
e peui butelo an pràtica
fin-a a la Mòrt!

...Peui 't ses tivaje ti; e da la cros
it l'has dit: "Pare. përdon-a!"
ai doi ladron
e a tut ël mond; gnun òm
podìa parlé parèj,
mach ti, Nosgnor
ch'it l'has pagà për tuti... ëd toa sacòcia.
éërchè ti 't ses la Pas, ël Bin;
it ses Dio

e l'òm a l'é restà òm:
povròm...

Oh, se almen staneuit
- Neuit ëd Natal -
fusso bon a scoté ti!
...