Mario Paris/Orassion silensiosa

Orassion silensiosa

L'é bel parlé con ti, sensa dì gnente.
Anche se i stago ciut, sai ch'it ëm sente.
Le tante còse che l'avrìa da dì
lo sai che 'Tjë conòsse mej che mi.

Ti 't sas che ant j'ore grame i l'hai pregate
E ant ij moment ëd gòj l'hai dësmentiate:
dë 'dnans a Ti i l'hai gnente da stërmè:
un pr'un it jë conòsse ij mè pensé.

Ti't jë conòsse tute mie mancanse,
mei seugn, e mie misèrie, e mie speranse:
Ti 't sas ël mè passà e 'dcò 'l mè avnì.
Nosgnor, i sai mach dite: stà con mi!