Marie Thérese Pillone/Dì dij mòrt

Artorn

---

La libertà

La nebia serca dë stërmé
cola filonghera ’d cros,
an col di ’d silensi.
Noi, scotoma ’l vent,
fra ij mont inmens,
Scotoma ancora le vos,
dij nòstri parent,
dij nòstri soldà,
daspërtut sotrà.
Tante cros ëspatarà.
Nòm ëscrit su na pera.
A l’é tut lòn ch’a l’han lassà,
su costa bruta tèra,
vej e giovo ’d col lontan passà.
La mòrt fà part ëd la vita,
fà part ëd l’umanità.
E lòn ch’a resta? Mach ij pior!
Për cola gent che bandonand la famija,
son volass-ne via.
Ma noi con grand amor,
i pregoma Nosgnor,
për avèj ancora la fòrsa,
ëd continué nòstr camin.
«Për vorèisse tuti bin».