Maria Luisa Chiorino/Fòrse stassèira

Fòrse stassèira...

Sento, stassèira, la veuja 'd quaicòs che i sai nen còsa a sìa.
Son coma n'erba anfiapìa che a invòca 'l ristor ëd la pieuva.
Son coma fnestra sarà che as veul deurve al respir dl'alba neuva,
o coma 'l top ëd la neuit che anche mach ëd na stèila a l'ha anvìa.

Sento lë bzogn ëd qiaicàsa che i sai nen lòn che a l'é:
fòrse la lus d'un soris ant j'euj ciàir inossent ëd masnà;
o l'armonìa 'd canson che i l'hai mai, i l'hai mai pì scotà.
Fòrse stassèira... chi sà? ... i l'hai veuja... i l'hai veuja 'd pioré!