Maria Luisa Chiorino/Ant ël silensi dla cesa
Ant ël silensi dla cesa
[modifiché]Lo sento nen ma i lo vëddo tò pior
arsauté an sla bionda toa caviera;
un sangiut sofocà l'é toa preghiera
che ha l'ha la nòta sola dël dolor.
E tò fiolin anginojà con ti,
su toa spala a posa ij sò ariss
e at parla... e mi i sai nen còsa ch'at dis
ma i lo penso: "...con ti, mama, i-i son mi!".
Mi i riesso pì nen, an cost moment,
preghete mach për còse mie, Nosgnor.
Adess i peuss mach pì preghé për lor,
për soa pen-a che i conòsso nen.