Maria Luisa Chiorino/Alba piorosa
Alba piorosa
[modifiché]La pieuva a sija... a sija...
- sensa chité un moment -
l'aria greva e andurmìa
d'un alba che as ved nen.
E adess quaich nòta neuva:
un cant ësclin d'usel
a rij trames la pieuva
che a piora ìl pior dël cel.
Në squiss pien d'alegrìa
che a meuir pen-a che a nass,
përchè la pieuva a-j crija
'd lassela... pieuve an pas.
E a-i resta mach la pieuva
che a sija... a sija... a sija...
- sensa na nòta neuva -
la soa malinconìa.