Lorenzo Magrassi/Primavera

Da Wikisource.
Jump to navigation Jump to search

Artorn


Primavera[modifiché]

(dialèt monfrin)

As sent profùm ad primavera
an si colin-i
doerti an sal balcon d'in cel seren
ch'l'ha smantià
la sò mantlin-a 'd fregg
ansumma ij pra dla và
ampovrà 'd bianca galavarna....
Al sol a passa alègar
tea 'l rami dal pianti speuji
fanda promessi 'd verd....
Ant ina riva,
la carëssa gentila dal vent
l'ha drobì j'eucc a na violëtta
che, ancantaja la uarda 'l mond.
S'àussa dai camp
ofor e fum ad cani brusajì;
incens a la stagion dossa
ch'l'a ven a bati a l'uss dl'invern.