Laura Bertone/Speransa e realtà

Artorn

Speransa e realtà

Se la speransa a viv
an broa dlё spassi
dla toa vita,
a l’é coma quaidun
che da lontan at saluta,
ma ti it sente nen soa vos.
Quand la speransa a l’é
coma na farfala
ch’a s’avzina e scapa,
peui torna ’n pò genà,
a la fin, magara,
ant la realtà
a podrà specesse.
Da nen chёrde,
as vёdran compagne,
gnente a sarà pì bel,
ma, coma ’n bon mariagi,
sta fortun-a rivà
a dovrìa mai finì!