Artorn

Introdussion a la Surtìa[modifiché]

Ij fieuj d’Israel, che adess a stasìo an Egit, a son forsà a travajé tanme dë s-ciav. Nosgnor a pronta n’Israelita ch’as ciamava Mosé a mné ‘l pòpol a la libertà. Ël rè a l’é contrari a lasseje andé, parèj Nosgnor a manda na série ‘d piaghe an sj’Egissian. Mosè a men-a j’Israelita travers ël Mar Ross, che Nosgnor a lo partiss për lor ëd manera miracolosa, fin-a al Mont Sinai. Butà ‘l camp al Sinai, j’Israelita a ‘rsèivo la Lege ‘d Nosgnor, comprèis ij Des Comandament. La Lege a l’é ‘l fondament ëd la relassion an tra Nosgnor e ‘l pòpol che Chiel a l’ha liberà, ij termo d’un Pat, con le promësse ‘d benedission s’a l’avèisso rispetaje. Ël pòpol a promët d’ess-ne fedel.