La Bibia piemontèisa/Testament Vej/Salm/Salm 30

Da Wikisource.
Jump to navigation Jump to search

Ij Salm[modifiché]

30. A l’é con granda gòj ch’it magnifico, ò Nosgnor[modifiché]

Ël Salmista a ringrassia Nosgnor pr’ avèjlo liberà da la mòrt e a cissa d’àutri a unisse a chiel ant la làude. A l’ha fàit esperiensa pr’ un pò ‘d temp dj’assion disiplinàrie ‘d Nosgnor, ma quand ch’a l’ha ciamaje d’agiùt, Nosgnor a l’é antërvenì e l’a ristabilije sò favor.

1Un salm ëd David. Un cant për la dedicassion dël templ. A l’é con granda gòj ch’it magnifico, ò Nosgnor: it l’has tirame fòra da l’eva e it l’has nen consentì ch’ij me nemis a s’arlegrèisso ‘d mia dërota. 2Nosgnor, mè Dé, i l’hai ciamate d’agiùt e ti tl’has ristabilime an salute. 3It l’has tirame fòra da la tomba[1], Nosgnor, it l’has ampedime ch’i tombèissa ant la tampa dla mòrt. 4Fidèj ëd Nosgnor, canté an sò onor; laudelo e ten-e a ment che sò nòm a l’é sant! 5Sò rigor a dura mach un moment, ma sò favor a dura për tuta na vita! As peul bin pioré për tuta la neuit, ma a la matin a artorna la gòj.

6Quand ch’i j’era al sicur[2] i pensava: “I podrai mai casché”. 30:7 A l’é tò favor ch’am rend frem tanme na montagna, ma quand ch’it l’has virame le spale, i na son ëstàit ëstravirà. 7I l’hai anvocate, ò Nosgnor, i l’hai suplicà mè Dé. 8I l’hai dije: “Che vantagi podries-tu mai avèj da mia mòrt, s’i spërfondo ant la tampa? 9Podrìa-la mia póer laudete? Podria-la conté ‘d toa fidelità? 10Scotme, Nosgnor, e àbie misericòrdia ‘d mi. Giutme, ò Nosgnor!

111Ti ‘t l’has cambià mè deul ant na dansa ‘d gòj. It l’has gavame mie vestimente ‘d deul e it l’has arvestime ‘d gòj. 12E lolì përchè mi i podèissa laudete e ch’i stèissa nen ciuto. Nosgnor, mè Dé! Mi it ringrassierai për sèmper!

Nòte[modifiché]

  1. O “it l’has s-ciancame da la tèra dij mòrt”.
  2. O “quand ch’i j’era ant la prosperità”.