La Bibia piemontèisa/Testament Vej/Salm/Salm 123
Salm[modifiché]
123. I vardo an àut anvers al cel[modifiché]
- Ël Salmista, ch’a parla për ël pòpol ëd Nosgnor, an mes a na crisi, a arconòss ch’a dipend mach da Nosgnor.
1Càntich ëd pelerinagi. I vardo an àut, anvers al cel, doa ch'it ëstas astà 'n sù tò tròno[1]. 2Tant coma ij servitor a ten-o j’euj fiss an sle man ëd sò padron, e coma la serventa a ten j’euj fiss an sle man ëd soa padron-a, parèj i tnoma j’euj fiss an sël Signor, nòst Dé, fin ch’a l’àbia pietà ‘d nojàutri. 3Nosgnor! Àbie pietà ‘d nojàutri, àbie pietà, ch’i n’oma pro d’esse meprisà. 4Nòstra ànima a në peul pì dle schergne ch'an fà la gent superba, dj’ansolense ‘d coj ch’an mepriso.
Nòte[modifiché]
- ↑ O "Anvers ëd ti, ch’it ëstas an cel, i àusso ij mè euj".