Introdussion al lìber del Levìtich[modifiché]

Ël nòm original an ebràich dël liber ch'i ciamoma "Levitich", a l'é VAYIKRA ("E chiel a l'ha ciamà") ch'a corispond a la prima paròla 'd cost lìber: "וַיִּקְרָא אֶל־מֹשֶׁה וַיְדַבֵּר יְהוָה אֵלָיו מֵאֹהֶל מוֹעֵד לֵאמֹר" ("Nosgnor a l’ha ciamà Mosè da la Tenda dël Rëscontr").

Ël lìber dël Levìtich. Ant la Lege, Nosgnor a stabiliss për Israel, so pòpol, na religion ch’a comprendìa an prim leu un sistema ‘d sacrifissi dont ël but a l’era d’oten-e la remission dij pecà, e ant lë scond leu na série ‘d feste da osservesse coma ‘d giornà dedicà a Chiel e për arcordesse sèmper dij benefissi ‘d soa grassia. Nosgnor Dé a dà a so pòpol d’istrussion precise për coma buté an pé ‘n Tabërnàcol, na tenda andoa che lor a podìa smonie ‘d sacrifissi e andova che Chiel a l’avrìa podù incontresse con so pòpol. Dé a precisa peui che coj rituaj e sirimònie a l’avìo da esse menagià da la famija d’Aron, ël frel ëd Mosè.