Introdussion[modifiché]

La litra (epìstola) ai Filipèis a l'é un djë scrit ëd pèis dl'apòstol Pàul. Costa litra Pàul a l'ha scrivùa damentre che chiel a l'era stàit fàit buté an përzon dai sò aversari, probabilment apoprè j'agn 61-63 d. C. e a l'era adressà a la comunità cristian-a 'd Filippi, na sità ant la region ëd la Macedònia.

Ël contnù prinsipal ëd costa litra a l'é 'n mëssagi 'd gòj, arconossensa e ancoragiament, Pàul a dà vos a soa gòj për l'amicissia e 'l sostegn ch'a-j dan ij Filipèis për lë spantiament dl'Evangeli. A cissa ij chërdent a vive ant l'unità e l'umiltà an seguitand parèj l'esempi 'd Gesù Crist. Costa litra a conten ëdcò un imn cristològich, un test pròpi bel ch'a parla dl'umiliassion e dl'esaltassion dël Crist.

Për fela curta, la litra ai Filipèis a l'é n'afetousa e ancoragianta comunicassion ëd Pàul a la comunità 'd Filippi, ch'a-j vorìa tant bin, e ch'armarca l'importansa dla gòj e dl'imitassion ëd Crist and la vita cristian-a.