Introdussion a j'epistole 'd Pero[modifiché]

Le dòi epìstole dl'apòstol Pero a son ëd part importante dël Testament Neuv ant la Bìbia.

Ël test a dis ciàir che l'autor a l'é l'apòstol Pero^[1], che, con Giaco e Gioann a j'ero considerò ant la gesia antica 'd Gerusalem ij dissèpoj 'd Gesù ij pì important. Pero ("San Pé") a l'era 'n pëscator dventà un dissèpol ëd Gesù durant Sò ministeri an sla tèra. Coste epìstole a dasìo d'amaestrament ëd pèis për ij cristian ëd le prime comunità.

A l'é probabil che coste litre a sio stàite scrite vàire desen-e d'agn apress ëd la mòrt e l'arsurression ëd Gesù. Durant ësto perìod, ij prim cristian, dësbërgiairà për la region a nòrd d'Israel, a l'avìo da fé con ij sò aversari che soens a-j përseguitavo. J'epìstole 'd Pero a l'avìo për but ëd dé guida e consolassion a coste comunità an dificoltà. A l'é parèj che coste doe epìstole a l'han un mëssagi central: ancoragié e amaestré ij chërdent a esse fòrt e frem an soa fede 'd lor, malgré le dificoltà ch'a l'avìo da soporté. Pero a trata 'd chestion coma ij patiment, la përsecussion, la condòta moral e l'importansa 'd vive second lòn che 'l Crist a l'ha mostrà.

An particolar, ant la prima epìstola, Pero a incoragia ij chërdent a arziste a le preuve e a le dificoltà, fasendje memòria ëd la speransa ch'i l'oma an Crist e 'd soa identità coma pòpol sernù da Nosgnor. Ant la sconda epistola Pero a dà d'amonission contra ij magister fàuss e a j'esorta a resté frem ant la vrità arvelà. Ant l'un-a e l'àutra epìstola Pero a parla 'dcò dl'amor, dla passiensa e dl'unità ant le comunità cristian-e. L'obietiv prinsipal ëd coste litre a l'è col ëd sosten-e ij cristian ant soa chërsùa spiritual e an sò angagg anvers ëd Dé. An sìntesi, j'epìstole 'd Pero a dan d'amaestrament pressios an sù coma afronté le dësfide dla vita e chërse ant la vita cristian-a. A son ëscrivùe con amor e soen da 'n dissépol ch'a l'avìa marcià con Gesù e ch'a veul fé part ëd la saviëssa e dla speranca con le generassion ëd cristian ch'a vniran.

Nòte[modifiché]

↑ L'atribussion ëd coste dòi epìstole a l'apòstol Pero a l'é stàita butà an chestion an tra i savant ëd la Bìbia. Lolì për motìv ëd sò stil lenghistich, dël contest ëstòrich e dle diferense temàtiche an tra j'epistole.

[1] L'atribussion ëd coste dòi epìstole a l'apòstol Pero a l'é stàita butà an chestion an tra i savant ëd la Bìbia. Lolì për motìv ëd sò stil lenghistich, dël contest ëstòrich e dle diferense temàtiche an tra j'epistole.

[1]