Guido Musso/Tèra monfrin-a
Tèra monfrin-a
[modifiché]Tèra dij brich monfrin bondosa e dura
signà dal rampigné dle carzà bianche
andoa as na van le procission ëstanche
ëd j'àltim beu ch'a veulo vive ancora
compagn sicur al travajé d'antlora
a vignolant da le caviere bianche,
ma con l'anciarm che pasi a-j cissa ancora
combin le tëgge fòrse a sio stanche.
Sij mal monté stracant për ij varèj
seren a dësdavan-o ij sòi travaj
fidej a coj rituaj dij pare Antich
che su costa tèra l'han vivù parèj:
da barba pasi e lamentandse mai
sudand ël pan, benedisand ij brich.