Giuseppe Sinchetto/La fantasìa
La Fantasìa
[modifiché]As treuva pa ’nt le boteghe, dai bateur;
preuva a lassé lìber ij tò pensé,
scota e ten da cont ij consèj dël cheur,
a sarà na sorprèisa vëd-la rivé.
La fantasìa a l’ha vàire cambrade,
ch’a-j fan companìa ’rlongh ël senté:
quand ch’as asarda a fé ’d tavanade,
bin tòst quaidun a riva lì a vaité.
Ëdcò ij seugn, fieuj ëd la fantasìa:,
at lasso la speransa an ardità
ëd podèj ancora fé lòn ch’at piaserìa,
magara giontandje ’n pò ’d curiosità.
Fantasìa, curiosità, seugn, speransa:
a vivo con n’euj adressà a l’avnì.
As dan na man vivend an aleansa
al cheur a-j fido la ciav për vaité ’l ni.