Giuseppe Brandone/Rassegnassion

Rassegnassion

Giumai conto pì nen le stòrie a gnun
an serca d'un temp bel
vestì 'd fantasìe da masnà;
tanti pensé a l'han sturname
vers ij sagrin dla vita,
e mi sol an mes a j'àutri,
i sento gnanca le stagion ch'i rivo.
Mach pì l'otonn. con ël feuje ch'i calo
ant ël pra zèrb dij mè pensé,
am arcòrda che 'l temp o passa ampressa
amlupà, coma làder dë sfros,
ant soa mantlin-a tuta bucatà...