Giuseppe Brandone/Meuri, nen meuri

Meuri, nen meuri

Am diso
che a la fin as meur
e as buto lì
a conté ij mè dì
coma s'a fusso lor
ij travèe ëd mè vita.
As meur
e am diso: rassegn-te!
e as buto antorn
për fé in bel riond:
lor, la mòrt e mi.

Ma i san pa
che la mòrt ëd mi a l'ha paura,
lor i lo san nen
ma còsa 'mpòrta?
lassoma pura doverta la pòrta
e ch'a-i entra anca ij sagrin,
tant tute le còse dla vita
mi, già da temp,
i j'heu stërmaje tute
ant in bicer ëd vin.