Giuseppe Brandone/Ùltim salm ëd Langa

Da Wikisource.

Artorn


Ùltim salm ëd Langa[modifiché]

Se ancora la gent a stà an colin-a
a l'é për speté l'ùltim viage an caròssa
o sulevà da spale da temp consuje.

Se ancora le dòne da noi a piego la schin-a
sota 'l pèis dj'ani che dì për dì a chërso
a l'é 'd mach për nen lassé meuiri l'ùltim brandé.

Se ancora le masnà i coro për ij rivass e le caussagne
e i gieugo a làder e carabinié ant ël desert ch'a-j consumo
a l'é mach per amparé doman a cori pì fòrt
per riessi un dì a scapé pì an pressa.