Giovanni Teti/Vin bianch e pajarin
Vin bianch e pajarin
[modifiché]A s’avsin-a ‘n doss gavanate,
butà andrinta a gir ant la botelia,
as leva l’essensa ch’a bësbija,
a gatija e a monta sparand le nate.
Fòrt sò përfum ëd color pajarin,
a l’é emanà da ‘n càles lì davzin,
ël savor miminèt ëd l’odor nasal
a s’avsin-a a na beivuà ch’a val.
A scor d’incant a fium ël vin
e la beivuà a rinfrësca l’ideal
ëd na sensassion assè mental,
d’una bevanda da palà soprafin.
Oh! Doss fërvor ëd fragransa vèra,
at farà tramblé për n’ora antera.
Sarà, ant una bota, a sapia artrové
la Bin për ën gust da solecité.