Giovanni Teti/Aria 'd Natal
Testa rossa
[modifiché]Subia ’l vent frèid ëd la neuit
ch’a compagna la fiòca gelà
a sculpì le vie ’nt soa calà.
As sento ij bòt ëd la mesaneuit
nunsié la nassita dël Salvator.
Da la stòria riva a noi n’ispirator
ëd fé. Ant la vita a l’é n’educator,
ël Bambin a l’é nòstr Redentor.
A s’ambrasso le famije ’nt un ideal
che a-j uniss ant la montà al Natal.
A s’anvërtojo a le lus tradissionaj,
con ornament, vàire galuparìe e regaj.
An fasend festa davzin a un botijon,
a s’anlìo con un brìndes al panaton.