Giovanni Parusso/Otonn

Da Wikisource.
Jump to navigation Jump to search

Arton


Otonn[modifiché]


Na reusa sola sola ancor fiorìa
inargentà da frèide perle 'd brin-a
che pendo al dësmarin tacà ògni spin-a,
un rapèt d'uva ormai un pòch passìa

e peu con la coron-a da regin-a
ël pom granà ch'a l'é pì bel ch'a-i sia
fra le pressiose frute dla colin-a
già dëspojà e quasi già 'ndormìa .

Son j'ùltime promësse dla campagna
për la stagion ch'a tornerà giojosa;
e i treuv na fruta 'ncora pì gustosa

al pé dël mè persié, ma 'l cheur am sagna,
un bucc 'd famiòle: la pianta che, ferìa,
am dà l'ùltim salut e as na va via.

Giovanni Parusso (2nd premi concors "Arzigh", Canal)
(Corgnan)