Giovanni Delfino/Mè cheur a l’è na reusa rossa

Artorn

---

Mè cheur a l’è na reusa rossa

Mè cheur
a l’è na reusa rossa
ch’a profuma ‘d boneur
e la soa porpra a mossa
bëschìa da un’ongia rossa:
l’ongia rossa ‘d toa man
ch’a la sgraffigna pian.

Mè cheur
(reusa rossa fiorija),
s’anrubin-a ‘d boneur
se l’ujon d’un’avija
lo fora ‘d gelosìa:
la gelosìa dl’amor
l’è la spin-a ‘d na fior.

Mè cheur
a l’é na reusa rossa
ch’a tëm nen ël maleur
ch’a resist a l’angossa
versand, a gossa a gossa,
‘d lacrime profumà
sui tòrt che il mond ai fa.

Mè cheur.