Giovanni Cerutti/Canson/Piemont dev vive
PIEMONT DEV VIVE
[modifiché]La canson dij Brandé; paròle ‘d Camillo Brero su ‘n motiv popolar
A l'é l'imn ëd l'associassion ëstòrica piemontèisa "La Companìa dij Brandé", visadì, ëd coj ch'a veulo mantnì viv ël feu dl'amor e dla fierëssa për la lenga, la coltura e le tradission dël Piemont.
Ant nòstr cheur ël cel s’anrèisa, gius ëd tèra a l’é nòstr sangh;
nòstra lenga piemontèisa l’é la sava 'd nòstr doman.
(Rit.) Piemont, ardità d’amor, ch’a l’ha dane 'l Creator,
Piemontèis, Piemont dev vive, sij brandé dël nòstr onor.
Ant la ment la vos testarda dle montagne 'd nòstr pais,
drinta l’ànima gajarda branda 'l feu pa mai dëstiss. (Rit.)
Për Piemont e për l’Euròpa, gent dla pian-a e gent dij brich,
soma a l’erta, ardì sla piòta con l’ardor dij Gaj antich.(Rit.)