Giovanni Cerutti/Canson/La ran-a e 'l babi
LA RAN-A E 'L BABI
[modifiché]Una rana ha tre figlie da maritare. Si presenta un rospo, che rifiuta di sposare la più vecchia, perché nera come il carbone, e anche quella di mezzo, gialla come un cedro. Gli va bene la ranocchia più giovane, bianca come un fiore. La madre, tutta contenta, gli chiede dov’è il palazzo nel quale abiterà, e il rospo le dice che è il primo pantano che incontrerà sulla strada!
E la ran-a l’ha tre fije, tute tre da maridé, òh la lireta, òh; tute tre son da maridé (bis).
E lo babi na veul un-a, na veul un-a 'd cole tre, òh la lireta, òh;
na veul un-a 'd cole tre (bis).
Sàuta fòra la pì veja, l’era nèira com ël carbon, òh la lireta, òh;
l’era nèira com ël carbon (bis).
E lo babi a rëcula: “Costa sì a fà nen për mi”, òh la lireta, òh;
“Costa sì a fà nen për mi” (bis).
Sàuta fòra la mëzan-a, l’era giàuna come 'n sitron, òh la lireta, òh;
l’era giàuna coma 'n sitron (bis).
E lo babi a rëcula: “Costa sì a fà nen për mi”, òh la lireta, òh;
“Costa sì a fà nen për mi” (bis).
Sàuta fòra la pì giovo, l’era bianca come na fior, òh la lireta, òh;
l’era bianca coma na fior (bis).
E lo babi a s’avëzin-a: “Costa sì a la fà për mi”, òh la lireta, òh;
“Costa sì a la fà për mi” (bis).
E la ran-a l’ha bin dije: “Dova l’has ël tò palass?”, òh la lireta, òh;
“Dova l’has ël tò palass?” (bis).
“S’a l’é 'l prim pantan ch’i treuva, a l’é col ël mè palass”, òh la lireta, òh;
“s’a l’é col ël mè palas!” (bis).